Siglir tar il cuntegn

Header

Enstagl dad ina festa da hockey resta la halla a Tavau vida
Legenda: Enstagl dad ina festa da hockey resta la halla a Tavau vida RTR, Roman Dobler
cuntegn

Hockey Nagins regals dal Bambin, il HCD perda 0:3

Il club da hockey da Tavau ha pers l’emprima partida suenter las festas da Nadal cun 0:3 encunter Lugano.

Davent da l’entschatta era la situaziun a Tavau ina curiusa. Tranter Nadal e Silvester mira il mund da hockey a Tavau per la Cuppa Spengler. Pervia da la pandemia da corona è il turnier da tradiziun vegnì annullà. Il termin ch'è vegnì liber ha la liga savì duvrar per plazzar tranter Nadal e Silvester gieus da campiunadi. Il Club da Hockey da Tavau dat gist trais partidas sur festas, l’emprima ha l’equipa grischuna pers cun 0:3 encunter Lugano.

Lugano cun pli gronda veglia

Davent da l’emprim terz era l’equipa tessinaisa pli agila sin il glatsch a Tavau ch'il HCD. En in tschert senn avev’ins l’impressiun che Lugano vuleva far dapli per la partida, e quai è era gartegià. Impressiunanta è la statistica dals tirs sin il gol da l’adversari. Qua ves’ins che Lugano ha tratg quasi dubel uschè savens sin il goli dal HCD Robert Mayer, che cuntrari. Uschia resulta quai era en il resultat. L’equipa che ha tratg dapli sin il gol ha la fin finala era fatg dapli gols.

Friburg uss segund

En la segunda partida da la saira gudogna Friburg ordaifer cun 3:1 cunter Bienna. Cun questa victoria ha Friburg uss tuttina blers puncts sco il leader Zug – dentant dus gieus dapli. Tavau resta sin plaz 8 da la tabella.

RTR novitads 20:00

Artitgels legids il pli savens

Scrollar a sanestra Scrollar a dretga