Siglir tar il cuntegn

Header

video
La terrada da Tavau a chasa cunter Genevra
Or da Sport-Clip dals 14.11.2020.
laschar ir
cuntegn

Hockey: National League Puspè nagins puncts per il HCD

24 uras suenter la terrada dad 1:2 a Bienna ha il HCD er pers il segund gieu da questa fin d’emna. Tavau ha pers a chasa encunter Genevra Servette cun 2:5. Per il HCD è quai stà la 5avla terrada dals davos sis gieus da campiunadi.

La decisiun è crudada bun 10 minutas avant la fin dal gieu cura che Tanner Richard ha manà ils Genevrins cun 3:1 en avantatg. Il HCD n’è silsuenter betg pli vegnì da reagir. Ils dus sulets gols per Tavau han sajettà Magnus Nygren al 1:1 e Luca Hischier al 2:4

IL Club da hockey da Tavau aveva gia pers l’emprim duel cun Genevra Servette en questa stagiun cun il medem resultat da 2:5, lura dentant ordaifer en la Svizra Franzosa.

Situaziun malempernaivla

Il HCD sa chatta il mument a la cua da la tabella cun sulet 7 puncts or dals emprims 8 gieus da campiunadi. Schanza da far meglier survegn l’equipa da Christian Wohlwend venderdi proxim. Lura frunta Tavau ordaifer sin ils SCL Tigers da Langnau ch'han sulet in punct dapli sin il conto.

Ils ulteriurs resultats:

  • Lugano – Ambri 4:2
  • Berna – SCL Tigers 1:2
  • Zug – Lakers 4:3
  • Friburg – Bienna 3:1

RTR novitads 22:00

Artitgels legids il pli savens

Scrollar a sanestra Scrollar a dretga