Kari Jalonen n'è betg pli trenader dal SC Berna. Il campiun svizzer da l'onn passà ha reagì sin la situaziun difficila da la stagiun actuala da hockey e relaschà Jalonen per immediat. Il SC Berna sa chatta actualmain sco novavel sut il stritg en la tabella.
Il Finlandais da 60 onns che ha manà Berna a dus titels da campiun svizzer aifer trais onns vegn remplazzà cun Hans Kossmann. Kossmann è gia stà dal 2009 fin il 2011 tar il SC Berna, lura sco trenader assistent da Larry Huras.
Tenor il CEO dal SC Berna, Marc Lüthi, ha Jalonen bain mussà, co ch'ins daventa campiun, dentant n'haja el betg pudì mussar, co ch'ins vegnia ord ina crisa.
video
Marc Lüthi: «Kossmann duai manar nus en ils playoffs»
Or da Sport-Clip dals 28.01.2020.
laschar ir. Durada: 4 minutas 2 Secundas.
RTR novitads 10:00