Suenter in ulteriur cas da corona ha il medi chantunal dal chantun da Berna decis ch'il club stoppia danovamain ir en quarantina. Quai fin e cun ils 3 da december. Ils giugaders ch’èn vegnids testads gia avant in mais positiv sin il coronavirus na ston betg ir en quarantina.
Gist trais partidas ston uschia vegnir spustadas:
- ordaifer cunter Ambri-Piotta (venderdi, ils 27-11)
- a chasa cunter Genevra-Servette (sonda, ils 28-11)
- ordaifer cunter ils ZSC-Lions (mesemna, ils 02-12)
Entant èn gia tut las 12 squadras da la liga naziunala A stadas almain ina giada en quaratina en las emprimas otg emnas dal campiunadi. L'EV Zug ed uss pia ils SCL Tigers gia per las segunda giada.
