Siglir tar il cuntegn

Header

video
Yannick Frehner davart la prestaziun dal HCD
Or da Sport-Clip dals 23.01.2021.
laschar ir. Durada: 1 minuta 14 Secundas.
cuntegn

Hockey NLA 5avla victoria en seria per il HCD

24 uras suenter la gala encunter ils SCL Tigers ha il HCD er gudagnà ses segund gieu da chasa da questa fin d'emna. Tavau ha battì Losanna piz a cup cun 3:2. Il gol decisiv al 3:2 per Tavau ha sajettà Sven Jung 82 secundas avant la fin dal gieu. Per il HCD è quai stà la 5avla victoria en seria.

Il Club da Hockey da Tavau sa chatta sin in'unda da success. Grazia a la 5avla victoria en seria gudogna il HCD er plaz per plaz en la tabella. Il mument è Tavau sin il 5avel plaz.

In duel fitg stretg

Il gieu encunter Losanna è stà fitg stretg davent dal cumenzament. En la 22avla minuta èsi lura reussì a Losanna da sajettar l'emprim gol, quai malgrà ch'il HCD giugava en powerplay, pia cun in giugader dapli sin il glatsch. Envers la fin dal segund terz ha Tavau pudì volver il resultat grazia a dus gols da Yannick Frehner e Magnus Nygren en powerplay. Suenter che Losanna ha anc ina giada pudì egualisar il gieu en il davos terz èsi la finala stà Sven Jung cun il gol da victoria curt avant la fin, uschia ch'ils trais puncts restan a Tavau.

Mardi proxim, ils 26 da schaner, dat il HCD ses proxim gieu ordaifer a Langnau encunter ils SCL Tigers che sa chatta be sin il 11avel plaz da la tabella.

RTR novitads 20:00

Artitgels legids il pli savens