Siglir tar il cuntegn

Header

In hockeyan sajetta in gol.
Legenda: Marc Wieser marca il gol al 3:0 per Tavau. Keystone
cuntegn

Hockey NLA Il HCD declassescha Friburg cun 7:2

En la quarta partida dal HCD encunter Friburg gudogna puspè l’equipa da chasa. En questa seria statti uss pari 2:2.

La basa per il success ha il club da hockey da Tavau mess en l’emprim terz. Gia suenter 31 secundas è l’equipa da chasa ida en avantatg. Cun l’intensitad da las emprimas secundas ha il HCD fatg enavant. Suenter tschintg minutas e mesa manava il HCD gia cun 4:0.

L’equipa grischuna ha uschia manchentà il record da la National League per ils pli sperts quatter gols – mo per ina secunda. L’onn 1991 aveva Lugano declassà Friburg en sumeglianta moda e maniera.

Schoc e quasi nagina reacziun

Il club da hockey da Tavau ha pudì far cun Friburg quai che l’equipa grischuna vuleva. Era sche Friburg ha fatg durant il segund terz anc dus gols, n’ha l’equipa dal trenader Christian Dubé mai gì ina schanza. Memia spert e precis era il gieu dal HCD.

In’emna pausa e lura duel encunter las fermas equipas da la liga

Pervi dal Forum mundial d’economia WEF a Tavau na datti durant ils proxims set dis nagins matschs da hockey a Tavau. L’equipa dal HCD dat pir puspè sonda che vegn ordaifer encunter ils ZSC Lions – e dumengia lura puspè a chasa encunter il SC Berna. Suenter spetga anc il gieu encunter il EV Zug.

Ils ulteriurs resultats da la saira

  • Berna - Losanna 4:3 suenter prolungaziun
  • Bienna - Genevra 7:3
  • Lakers - ZSC Lions 3:0
  • Lugano - SCL Tigers 1:3
  • Zug - Ambri 3:1

Hockey tabella liga naziunala A



gieusgolspuncts
1.Zug49
146:120
90
2.ZSC Lions
49162:123
88
3.Tavau49154:139
86
4.Genevra49134:115
86
5.Bienna49149:140
78
6.Friburg49121:130
73
7.
Losanna
49
133:129
72
8.
Lugano49
124:135
69
9.Berna
49
129:139
68
10.Ambri
49116:135
60
11.SCL Tigers
49113:146
60
12.Lakers49
126:156
52

RTR novitads 20:00+

Artitgels legids il pli savens

Scrollar a sanestra Scrollar a dretga