Per la decisiun ha Luca Fazzini procurà cun sajettar il 3:1 per Lugano curt avant la fin dal segund terz, quai suenter ina scena dispitaivla. Curt avant il gol ha il Tessinais pitgà il pal ord il mauns da Magnus Nygren. Tut las discussiuns n’han dentant gidà nagut. Tavau ha stuì acceptar la decisiun da l’arbiter che n’ha betg taxà questa scena sco foul. En il davos terz ha Lugano controllà il gieu e n’ha betg pli laschà vegnir il HCD enavos en il gieu. Il sulet gol dal HCD ha sajettà Magnus Nygren en la 13avla minuta. Cun ses gol da powerplay ha el egualisà al 1:1 suenter che Lugano era ì gia baud en avantatg entras Alessio Bertaggia.
En la tabella ha il HCD puspè pers dus plazs. Da nov sa chatta Tavau sin il 7avel plaz. Mardi proxim frunta il HCD ordaifer sin l’EV Zug.
