Per il Club da Hockey da Tavau èsi stà la setavla terrada ordaifer en seria dapi ils 3 da schaner 2020. Malgrà questa schleppa è il HCD vinavant sin il terz plaz da la tabella.
Ambri percunter ha gudagnà trais puncts impurtants en il cumbat per il 10avel plaz da la tabella. Per ils Tessinais èsi ì per dapli en la vida Valascia. Quai han ins er sentì sin il glatsch. Mintga punct po esser impurtant, sch’i va per evitar il segund davos plaz da la tabella ed uschia stuair far il pass en ils playouts.
Ils ulteriurs resultats da la 49avla runda:
- Berna gudogna cunter Friburg cun 1:0 suenter prolungaziun.
- Bienna gudogna cunter ils ZSC Lions cun 5:1.
- Genevra batta Losanna cun 4:1.
- Ils Lakers perdan cunter Lugano cun 1:4
- Zug gudogna cunter ils SCL Tigers cun 5:4 suenter sajettar penaltis.
Hockey tabella liga naziunala A
| gieus | gols | puncts | ||
| 1. | Zug | 49 | 146:120 | 90 |
| 2. | ZSC Lions | 49 | 162:123 | 88 |
| 3. | Tavau | 49 | 154:139 | 86 |
| 4. | Genevra | 49 | 134:115 | 86 |
| 5. | Bienna | 49 | 149:140 | 78 |
| 6. | Friburg | 49 | 121:130 | 73 |
| 7. | Losanna | 49 | 133:129 | 72 |
| 8. | Lugano | 49 | 124:135 | 69 |
| 9. | Berna | 49 | 129:139 | 68 |
| 10. | Ambri | 49 | 116:135 | 60 |
| 11. | SCL Tigers | 49 | 113:146 | 60 |
| 12. | Lakers | 49 | 126:156 | 52 |
RTR novitads 22:00