Siglir tar il cuntegn

Naziunal/Internaziunal Hockey sin glatsch: Nov assistent per Patrick Fischer

L'anteriur gudagnader dal Stanley Cup Tommy Albelin cumplettescha il team da trenaders da la squadra naziunala svizra.

Giugader da hockey.
Legenda: Sco giugader ha Albelin gudagnà duas giadas la NHL cun ils New Jersey Devils. Reuters

Il Svedais Tommy Albelin surpiglia il post dals dus co-assistents da fin qua Reto Von Arx e Felix Hollenstein. Quai ha communitgà la Federaziun Swiss Ice Hockey.

Albelin ch'ha giugà passa milli partidas en la NHL per New Jersey e Calgary vegn surtut ad esser responsabel per il trenament dals defensurs da la squadra naziunala.

L'assistent da 52 onns vegn er a tutgar tar il team da coaching da la squadra U20 al campiunadi mundial.

RR novitads 10:00