Il hockey sin glatsch en Svizra perda ina persuna marcanta: Simon Schenk è mort en la vegliadetgna da 73 onns suenter cumplicaziuns durant ina operaziun dal cor.
Giugader e trenader
Schenk ha manà il 1976 il SC Langnau sco giugader al sulet titel da campiun da l’istorgia dal club.
Pli tard ha el trenà l’equipa da hockey naziunala durant dus temps d'uffizi (1985-1990 e 1995-1997).
Plinavant è Schenk er stà schef da sport e mainagestiun dals ZSC Lions.
Engaschi politic
Plinavant è Simon Schenk s’engaschà en la politica, cunzunt cura ch’i gieva per il sport. Per la Partida populara svizra è el stà durant 17 onns (1994-2011) en il Cussegl naziunal.
Sco ultim è Schenk stà expert en la televisiun. El lascha enavos ina dunna e trais uffants.