Siglir tar il cuntegn

Naziunal/Internaziunal Hockey sin glatsch – squadra naziunala senza victoria

La squadra naziunala terminescha la cuppa Karjala a Helsinki senza victoria. L'ultim gieu da turnier cunter la Russia ha la Svizra pers cun 2:6.

Maletg d'archiv: Squadra naziunala svizra da hockey sin glatsch.
Legenda: Maletg d'archiv: Squadra naziunala svizra da hockey sin glatsch. Keystone

La Svizra ha era pers ses terz gieu da la cuppa Karjala en Finlanda e quai gist cun 2:6 cunter la Russia. Suenter 47 minutas manavan ils Svizzers anc cun 2:1. Lura han els anc incassà 5 gols. En il gieu da la sonda han ils Svizzers per l'emprima giada durant il turnier incassà pli paucas minutas da chasti ch'ils adversaris. Tuttina n'hai betg tanschì per ina victoria.

Cunter il Canada ha la Svizra pers l'ultima emna cun 2:3 e cunter la Tschechia medemamain cun 2:3.

RR novitads 15:00