Per il club da hockey da Losanna vala ina quarantina per ils proxims diesch dis. Quai ha ordinà il medi chantunal dal Vad. Pir ils 22 da november dastgan ils hockeyaners puspê giugar cunter autras squadras. Cun quai vegnan er spustadas ils proxims trais gieus:
- cunter ils SCL Tigers (13 da november),
- cunter il SC Berna (17 da november),
- cunter la squadra da Tavau (21 da november).
Ils SCL Tigers giogan damaun, ils 13 da november, da nov cunter Lugano. La sonda spetga il duel Friburg cunter Bienna. Er quella partida è pervia da corona vegnida fixada da nov.
