Siglir tar il cuntegn

Header

cuntegn

Holdener disqualifitgada Gisin per l'emprima giada sin podest en slalom

Premiera per Michelle Gisin: Per l'emprima giada è la skiunza da 26 onns sa classada en ina cursa da la cuppa mundiala sin il podest. A Lienz en l'Austria è ella vegnida terza. Gudagnà ha la dominatura Mikaela Shiffrin da l'America, segunda è la Slovaca Petra Vlhova.

Video
Gisin fa bun 5 plazs e siglia sin il podest
Or da Sport-Clip dals 29.12.2019.
laschar ir

Il podest

  1. Mikaela Shiffrin (USA) 1:48,31
  2. Petra Vlhova (CZE) +0,61
  3. Michelle Gisin (SUI) +1,72

Suenter l'emprim percurs era Gisin 8avla. En il segund percurs ha ella pudì sa meglierar per tschintg posiziuns, sin il terz plaz. Er Aline Danioth è sa meglierada en il segund percurs per tschintg posiziuns. Cun in retard da 2,47 secundas hai tanschì per il setavel plaz. Quai è ses meglier resultat en la cumbinaziun.

Holdener puspè sbagl

Per Wendy Holdener hai dà en sia disciplina da parada la segunda terrada en seria. En il segund percurs è ella vegnida disqualifitgada perquai ch'ella ha pendì en tar ina porta.

Il comeback da Mélanie Meillard ha cuzzà 23 secundas. La skiunza da 21 onns dal Vallais è crudada or en. Pervi d'ina blessura al schanugl n'ha ella dapi il schaner 2018 betg pli fatg cursas. Elena Stoffel e Charlotte Chable n'èn betg stadas qualifitgadas per il segund percurs.

RTR novitads 14:00