Siglir tar il cuntegn

Header

Navigaziun

Wendy Holdener vegn quarta.
Legenda: Wendy Holdener vegn quarta. Keystone
cuntegn

Naziunal/Internaziunal Holdener manchenta be per pauc il podest a Maribor

Wendy Holdener è vegnida quarta en il slalom gigant a Maribor. Mikaela Shiffrin n'è betg da franar curt avant il campiunadi mundial ad Åre. L'Americana po festivar sia 55avla victoria en la cuppa mundiala, quai exact cun il medem temp sco la Slovaca Petra Vlhova.

1. Petra Vlhova (SLK) 2:31.31

2. Mikaela Shiffrin (USA) + 0.00

3. Ragnhild Mowinckel (NOR)+ 0.93

4. Wendy Holdener (SUI) +1,29

Wendy Holdener ha manchentà il podest be per 0,36 secundas. En l'emprim percurs era la Svizra anc 9avla. En il segund percurs è Holdener stada la segund sperta. Cunquai ha la Svizra egualisà ses meglier plaz en il slalom gigant da questa stagiun.

55avla victoria per Shiffrin

Mikaela Shiffrin po festivar sia 12avla victoria da la stagiun e vegn uschia sin 55 victorias en la cuppa mundiala. Quella giada ha ella però stuì parter l'emprim plaz cun Petra Vlhova.

L'ulteriura svizra Andrea Ellenberger era gist anc sa qualifitgada per il segund percurs sco 30avla. Il suentermezdi è Ellenberger però crudada ora. Jasmina Suter ed Aline Danioth n'èn betg sa qualifitgadas per il segund percurs.

RR novitads 14:00