Siglir tar il cuntegn

Header

Navigaziun

cuntegn

Naziunal/Internaziunal Holdener manchenta terza medaglia ad Åre

Nagina medaglia per la Svizra en il slalom da las dunnas ad Åre. Wendy Holdener che manava suenter l'emprim percurs ha fatg in grond sbagl ed è crudada enavos sin plazza 17. Uschia è Aline Danioth meglra svizra sco 15avla. Uschia resta Wendy Holdener tar sias 2 medaglias dad aur: quella da la cumbinaziun e quella dal team-event.

Emprima medaglia svedaisa

Gudagnà la cursa ha la gronda favurita Mikaela Shiffrin avant l'indigena Anna Swenn-Larsson e la Slovaca Petra Vlhova. Swenn-Larsson gudogna uschia l'emprima medaglia per la Svezia als campiunadis mundials en l'agen pajais.

3 medaglias per Shiffrin e Vlhova

Shiffrin ha sper la medaglia dad aur en il super-G era quella da bronz en il slalom gigant. Ella è per la quarta giada en seria campiunessa mundiala en il slalom. Ed in set da medaglias cumplet ha ussa era Vlhova cun aur en il slalom gigant, argient en la cumbinaziun e bronz en il slalom.

Il podest:

  • 1. Mikaela Shiffrin (USA) 1:57.05
  • 2. Anna Swenn-Larsson (SVE) +0.58
  • 3. Petra Vlhova (SLK) +1.03

Las Svizras:

  • 17. Aline Danioth (+5.17)
  • 19. Wendy Holdener (+5.26)
  • Elena Stoffel è crudada ora en l'emprim percurs

RR novitads 12:00