Siglir tar il cuntegn
cuntegn

Naziunal/Internaziunal Holdener sin il podest a Maribor

Al slalom a Maribor vegn la Svizra terza cun in retard da 1,15 secundas sin l'Americana Mikaela Shiffrin.

Wendy Holdener.
Legenda: Holdener controllescha ses temp cura ch'ella è a l'arrivada suenter ses segund percurs. Keystone

Wendy Holdener ha dumagnà per la 20avla giada in resultat sin il podest. Suenter il emprim percurs era ella anc sin il 6avel plaz intermediar. Grazia ad in ferm segund percurs è ella sa meglierada sin il terz plaz. Segund meglra Svizra è Aline Danioth sin plazza 21.

  1. Mikaela Shiffrin (USA) 50,05
  2. Anna Swenn Larsson (SWE) +0,77
  3. Wendy Holdener (SUI) + 1,15

Shiffrin puspè a la testa

Ina ulteriura giada n'ha Shiffrin dà nagina schanza a sias collegas. Ella ha gudagnà cun in avantatg da 77 tschientavels sin la Svedaisa Anna Swenn Larsson. Igl è la 13avla victoria da Shiffrin en questa stagiun e la 56avla victoria da sia carriera.

RR novitads 14:00