Puspè ha dominà la cursa l'Americana Mikaela Shiffrin. Gia suenter l'emprim percurs aveva ella dapli ch'ina segunda avantatg sin la concurrenza. Shiffrin ha lura era gudagnà il slalom a Zagreb avant la Slovaca Petra Vlhova.
La quarta giada quest enviern è Wendy Holdener sin il podest - e la terza giada sin plaz 3. Quai 1,75 secundas davos Shiffrin. En il segund percurs ha Holdener era stuì laschar ir la Slovaca Vlhova ch'era avant anc davos Holdener.
Segund meglra Svizra è daventada Michelle Gisin sco 7avla. Cun plazza 18 ha Elena Stoffel pudì egualisar sia meglra rangaziun en la cuppa mundiala.
RR novitads 17:00
