Siglir tar il cuntegn

Header

cuntegn

Naziunal/Internaziunal Holdener terza en il slalom da Semmering

Mikaela Shiffrin gudogna ses 36avel slalom da la cuppa mundiala, sia 51avla victoria insumma en la cuppa mundiala. Cun quai tegna ella ussa suletta il record. A Courchevel aveva l'Americana egualisà il record da 35 victorias dal slalom da Marlies Schild.

A Semmering en l'Austria ha Shiffrin gudagnà avant la Slovaca Petra Vlhova e la Svizra Wendy Holdener. Lezza è stada la pli sperta en il segund percurs. Shiffrin rumpa cun quai in record ed ha anc fermà sia posiziun en la cuppa mundiala. Cun il slalom ha ella gudagnà sia 15avla cursa da la cuppa mundiala en in onn – quai n'ha anc nagin um e nagina dunna dumagnà.

La segunda Svizra che ha fatg puncts è Aline Danioth. Ella è vegnida 15avla. Charlotte Chable è crudada or en il segund percurs.

RR novitads 15:00

Artitgels legids il pli savens