Naziunal/Internaziunal - Hornschuh nov scheftrenader
Ronny Hornschuh è il nov scheftrenader dals atlets da siglir cun skis. Il Tudestg da 41 onns è gia stà la stagiun passada responsabel per l'equipa svizra, quai sper Pipo Schödler ch'è sa retratg.
Sco quai che Swiss Ski communitgescha haja Hornschuh gudagnà la fidanza dal team da trenaders sco era la fidanza dals atlets. Cun excepziun da Simon Ammann han Gregor Aschwanden e ses collegas già frequentà in emprim curs da trenament.
