Siglir tar il cuntegn

Header

cuntegn

Naziunal/Internaziunal Hug triumfescha al London Marathon

Marcel Hug ha gudagnà il London Marathon. Tar las dunnas ha Manuela Schär procurà per legria svizra cun ses segund plaz.

In'emna suenter sia victoria al maraton da Boston ha il sportist da sutga cun rodas Marcel Hug er triumfà a Londra.

Il Svizzer ha gudagnà cun in temp da 1:35.10. Durant il sprint final è l’atlet sa distatgà da l’Australian Kurt Fearnley e dal Brit David Weir. Per Hug èsi la segunda victoria a Londra suenter il 2014.

audio
Sportissimo: Maratons da Turitg e Londra
ord Sportissimo dals 24.04.2016.
laschar ir. Durada: 2 minutas 10 Secundas.

Schär sin il podest

Tar las dunnas è medemamain ina Svizra ida sin il podest. Manuela Schär (31) da Lucerena è daventada segunda. Gudagnà ha l'Americana Tatyana McFadden cun in temp da 1:44.14. Wakako Tsuchida dal Giapun cumplettescha il podest. Uschia han las atletas repetì il podest dal maraton a Boston.

RR novitads 15:00 / Sportissimo 17:00

Artitgels legids il pli savens