La retratga da IAM ha motivs finanzials. I na saja betg gartegià da chattar in cosponsur ch'avessi gidà da sbursar il budget annual da 12 milliuns francs, ha communitgà il possessur dal team, Michel Thétaz.
L'interprendider da la Svizra franzosa ha fin ussa quasi finanzià sulet l'equipa ch'i dat dapi quatter onns e che va dapi l'onn passà sin stgalim World Tour.
Nagin avanzament a la testa
La finiziun n’è betg cumplettamain ina surpraisa. Gia a la preschentaziun da la squadra l’ultim december aveva Thétaz accentuà che la squadra possia be exister vinavant cun (almain) in ulteriur sponsur. Il patrun da 65 onns dal Vallais ha perquai dà a tut ses ciclists be contracts che valan fin la fin dal 2016.
Igl è sa mussà ch’il budget da 12 milliuns francs è memia pitschens per pudair far canera en il sfugl dals grond teams. La stagiun da la World Tour 2015 aveva l’equipa svizra terminà cun l’ultim plaz 17. Dapi lura n’ha quai dà nagins avanzaments sportivs, e sustegn da renum n’ha Thétaz betg pudì prestar. A la World Tour da quest onn n’ha IAM anc betg pudì festivar ina victoria.
Numerus profis svizzers èn pertutgads
La schliada da IAM Cycling munta la perdita d’in’imputanta plattafurma per ciclists svizzers professiunals. En la stagiun actuala cun 28 commembers da squadra han nov svizzers in contract, tranter quels profis sco Mathias Frank, martin Elmiger, Oliver Zaugg, Reto Hollenstein u Marcel Wyss.
RR novitads 15:00