Siglir tar il cuntegn

Header

cuntegn

Naziunal/Internaziunal Il biatlet Anton Schipulin terminescha sia carriera

La cursa da proxima sonda saja sia davosa, ha annunzià il biatlet russ.

Cun la staffetta russa aveva Anton Schipulin gudagnà aur als gieus olimpics il 2014 a Sotchi. Trais onns pli tard ha el gudagnà aur al campiunadi mundial. Als gieus olimpics en la Corea dal Sid n’ha el betg dastgà far part. Quai en connex cun il scandal da doping en Russia.

Quest onn ha il Russ anc fatg part a nagina cursa da la cuppa mundiala. Quai pervia da retard da trenament. Ses plan inizial era stà da turnar il schaner 2019 en il circus da biatlon. Schipulin ha dentant fatg pressa negativa en connex cun suspect da doping. Autoritads austriacas avevan cumenzà cun investigaziuns en connex cun in surpassament da las regulaziuns da doping als campiunadis mundials il 2017 a Hochfilzen. Là aveva l'atelt da 31 onns gudagnà aur cun la staffetta russa.

RR novitads 11:00

Artitgels legids il pli savens