Siglir tar il cuntegn

Header

Il currider da biatlon Serafin Wiestner.
Legenda: L'atlet Serafin Wiestner en acziun a Ruhpolding en Germania nua ch'el era currì ses meglier resultat da fin qua. Keystone
cuntegn

Naziunal/Internaziunal Il biatlet Serafin Wiestner da Trin daventa 5avel el sprint

Il currider da biatlon cuntanscha ses meglier resultat da la carriera. Enfin uss era ses meglier resultat in 24avel plaz. Ed er il currider vallesan Benjamin Weger curra en ils topten e daventa 6avel.

Quai l’emprima giada insumma che dus atlets svizzers cuntanschan en la medema cursa in resultat tranter ils 10 megliers. Els han omadus ina giada betg tutg la noda, e perdan uschia radund 50 secundas sin ils megliers. Per Wiestner il currider da 25 onns da Trin è quai il meglier resultat da la carriera. En la davosa cursa a Ruhpolding en Germania era Wiestner gia currì ses meglier resultat da la carriera ed era vegni 24avel.

Il campiunadi mundial da biatlon ad Oslo stat avant porta

Quai era l’ultima staziun avant ils campiunadis mundials da biatlon ad Oslo che cumenzan ils 2 da mars. Gudogna il sprint a Presque Ile en ils Stadis Unids ha il norvegiais Johannes Thingnes Bö avant il russ Anton Schipulin e terz vegn il franzos Martin Fourcade.

Er Selina Gasparin cun in fitg bun resultat

Ed er tar las dunnas ha i dà in resultat da topten. L’Engiadinaisa da la Punt Chamues-ch daventa el sprint 6avla. Per Gasparin è quai gia il terz resultat tranter las 10 meglras atletas questa stagiun.

RR novitads 20:00