En il final a Vancouver han las Americanas battì il defensur dal titel, il Giapun, cun 5:2. Uschia han ellas pudì far revantscha per la sconfitta en il final dal 2011.
La figura dominanta è stada la chapitania Carli Lloyd, ella ha sajettà gia en las emprimas 5 minutas 2 gols per las Americanas. Suenter in quart d'ura stevi gia 4:0. Uschia han las Giapunaisas na gì nagina schanza pli, malgrà ch'ellas han anc marcà 2 gols.
RR Novitads 06:00