Il Danemarc va al campiunadi mundial

Grazia ad ina clera victoria cunter l’Irlanda, po il Danemarc sa participar per la 5avla giada ad ina campiunadi mundial da ballape.

Il giugader da ballape Christian Eriksen Bild in Lightbox öffnen.

Legenda da maletgs: Christian Eriksen en acziun a Dublin. Reuters

Suenter il 0:0 en l’emprim gieu da la barrascha, ha l’equipa dal trenader Hareide gudagnà il segund gieu en l’Irlanda cun 5:1. Quai malgrà ch’ils Danais han survegnì baud in gol.

La gronda figura en l'equipa dal campiun europeic dal 1992 è stà Christian Eriksen. Il giugader da Tottenham ha sajettà trais bellezza gols. Cumenzà avevi dentant mal per ils Danais. En la 6avla minuta fa il goli Schmeichel in sbagl, ed il Irlandais Shane Duffy vegn da marcar il 0:1.

Als giasts dal Danemarc gartegia dentant da volver il gieu tranter la 29avla e la 32avla minuta. L'emprim fa il Irlandais Cyrus Christie in autogol, lura sajetta Eriksen il 2:1. En la segunda mesadad sajetta Eriksen and dus ulteriurs gols, ed en la 90avla minuta realisescha nicklas Bendtner in penalti al resultat final da 5:1

RR novitads 06:00