Il FC Basilea cun ulteriura victoria en la Champions League

Il FCB ha battì il ZSKA Moskau cun 2:0. Uschia è il campiun svizzer sin buna via da sa qualifitgar per l'otgavelfinal.

Ils giugaders da il FCB giubileschan suenter il 1.0. Bild in Lightbox öffnen.

Legenda da maletgs: Il plaschair è grond tar il FC Basilea suenter la victoria a Moscau. Keystone

Suenter il 5:0 cunter Benfica Lissabon ha l'FC Basilea er gudagnà il gieu da la Champions League ordaifer cunter il ZSKA Moscau. Il campiun svizzer ha mussà a Moscau ina buna prestaziun e battì l’equipa russa cun 2:0. L'emprim goal ha Taulant Xhaka sajettà, il segund Dimitri Oberlin en la 90avla minuta.

En l'auter gieu da gruppa ha Manchester United er gudagnà il terz gieu. ManU ha battì Benfica Lissabon ordaifer cun 1:0.

Ulteriurs resultats da la saira

Anderlecht perda cunter Paris Saint Germain cun 0:4
Bayern München batta Celtic Glasgow cun 3:0
Karabach ed Atletico Madrid giogan pari 0:0
Chelsea e l'AS Roma giogan pari 3:3
Barcelona batta Olympiacos cun 3:1 e
Juventus Turin gudogna cunter Sporting Lissabon cun 2:1

RR novitads 06:00