Il FC Basilea sto uss anc surmuntar in obstachel, per arrivar en la fasa da gruppa da la Europa League. En la terza runda da qualificaziun gudognan ils da Basilea numnadamain a chasa cunter Vitesse Arnheim cun 1:0. Gia l'emprim gieu era ì a fin cun il medem resultat.
La decisiun en il St. Jakob-Park è crudada questa saira suenter mes'ura. Pervi d'in foul cunter Ajeti sto il defensur da Arnheim Clarke-Salter ir giu dal plaz. Trais minutas pli tard sajetta Ajeti cun il chau il sulet gol.
Adversari dal FCB en ils playoffs da la Europa League è Apollon Limassol da la Cipra. Ils gieus èn las duas proximas gievgias.
Lucerna senza schanza
Il segund club svizzer en la Europa League il FC Lucerna, è entant crudà ora cleramain cunter il club grec Olympiakos Piräus. Suenter il 0:4 da l'emprim gieu ordaifer perdan ils Lucernais questa saira era a chasa, e quai cun 1:3.
RR novitads 22:00