Siglir tar il cuntegn

Header

Giugaders dal FC Basilea.
Legenda: Fatschas cuntentas vesan ora auter, giugaders dal FCB suenter la terrada cunter il FC Sevilla. Keystone
cuntegn

Naziunal/Internaziunal Il FCB senza schanza a Sevilla

Il siemi dal FC Basilea da pudair dar il final da l’Europa League en l’agen stadion è a fin. Basilea perda il segund gieu dal otgavel-final ordaifer cunter il FC Sevilla cleramain cun 0:3.

Suenter ch’il FC Basilea aveva cuntanschì in pari 0:0 en l’emprim gieu a chasa, n’han els gì nagina schanza a Sevilla. Tut ils 3 gols han ils Spagnols sajettà en las davosas 10 minutas da l’emprima mesadad, en ina fasa che nagut na funcziunava tar Basilea.

La suletta vaira schanza da sajettar in gol ha il FC Basilea pir gì en il temp supplementar a la fin dal gieu. Lura ha Breel Embolo dà in sajet ch’il goli da Sevilla ha pudì tegnair curt avant la lingia. Uschia po il club spagnol vinavant siemiar d’in hattrick da titel en l’Europa League.

RR Novitads 06:00

srf/ba