Siglir tar il cuntegn
Inhalt

Naziunal/Internaziunal Il FCZ gudogna in gieu plain surpraisas

Terz gieu e terza victoria - il club da ballape da Turitg cuntinuescha sia via da success en la Europa League. A chasa gudogna il FCZ cunter Bayer Leverkusen cun 3:2, ed è uschia sulet a la testa da la gruppa A.

Dus giugaders da ballape che sa legran.
Legenda: Stephen Odey (dretg) e Toni Domgjoni han sajettà dus dals trais gols per il FCZ. Keystone

Antonio Marchesano ha sajettà il FCZ curt avant pausa en avantatg. Karim Bellarabi ha dentant lura vulvì il gieu cun marcar dus gols en la 50avla ed en la 53avla minuta. Ils Turitgais n'han dentant betg sa laschà starmentar, e mo sis minutas pli tard èsi gartegià a Toni Domgjoni d'egualisar.

Il matchwinner per il FCZ è lura daventà Stephen Odey. L'attatgader maina ina flanca da Pa Modou al 3:2 en il gol.

Suenter quest'ulteriura victoria han ils Turitgais il maximum da nov puncts, ed èn a la testa da la gruppa A. Per cuntanscher ils 16avels finals da la Europa League dovra il FCZ or dals trais gieus restants – uss en il mender cas anc dus puncts.

RR actualitad 21:00