Trais giadas durant questa stagiun è il duel tranter las duas equipas da tradiziun stà ina chaussa stretga. Ils emprims trais gieus èn ids a fin cun mo cun in gol differenza. Er il quart duel da la stagiun è stà in duel cun mo dus gols differenza. Questa giada puspè a favur dal club da hockey da Tavau. Era sch'il HCD era fin la mesadad da la partida cun in gol en retard, ha il HCD anc stort la partida e gudagnà la fin finala meritadamain.
Tavau resta sin plazza trais da la tabella
Il club da hockey da Tavau vegn adina pli daspera a la furma da playoff. Grazia a la victoria encunter Berna sa posiziunescha il HCD sin plazza trais da la tabella. Da tschella vart resta la situaziun per Berna delicata. L’equipa che vess duvrà per forza puncts è puspè crudada sut il stritg. Ils davos dus gieus decidan per Berna. Il campiun actual dat l’emprim il venderdi encunter Friburg e sonda alura il gieu final da la qualificaziun encunter Losanna. Anc adina cumbattan Friburg, Losanna, Lugano e Berna per las davosas duas plazzas da playoff.
Ils ulteriurs resultats da la saira
- Losanna – SCL Tigers 3:1
- Friburg – Zug 2:1 suenter sajettar penaltis
Hockey tabella liga naziunala A
| gieus | gols | puncts | ||
| 1. | Zug | 49 | 146:120 | 90 |
| 2. | ZSC Lions | 49 | 162:123 | 88 |
| 3. | Tavau | 49 | 154:139 | 86 |
| 4. | Genevra | 49 | 134:115 | 86 |
| 5. | Bienna | 49 | 149:140 | 78 |
| 6. | Friburg | 49 | 121:130 | 73 |
| 7. | Losanna | 49 | 133:129 | 72 |
| 8. | Lugano | 49 | 124:135 | 69 |
| 9. | Berna | 49 | 129:139 | 68 |
| 10. | Ambri | 49 | 116:135 | 60 |
| 11. | SCL Tigers | 49 | 113:146 | 60 |
| 12. | Lakers | 49 | 126:156 | 52 |
Resumaziun dal gieu ord Sport aktuell:
RTR novitads 20:00+