Siglir tar il cuntegn

Naziunal/Internaziunal Il HCD croda vinavant - 4. terrada en seria

Venderdi ils 13 per il HCD. Suenter la pausa pervia dals gieus da la squadra naziunala - ha il HCD pers a Lugano cun 2:4. Ils davos 4 gieus ha il HCD pers ed è crudà or dals top 4.

Brett McLean da Lugano giubilescha suenter il gol al 3:2 per Lugano en la halla Resega a Lugano.
Legenda: Brett McLean da Lugano giubilescha suenter il gol al 3:2 per Lugano en la halla Resega a Lugano. Keystone

Anc ils 4 da schaner - suenter la Cuppa Spengler - era il HCD a la testa da la tabella. Cun la terrada dal venderdi croda il HCD sin il plaz 5 e Lugano avanza sin plaz 4. Uschia ristga il HCD da perder l'avantatg da giugar a chasa per ils quart finals. Quai in temp che Tavau ha da giugar senza Reto von Arx, mabain era cun mo 2 giugaders da l'exteriur cun Ville Koistinen e Marcus Paulsson.

Ils ulteriurs resultats:

Genevra-Servette - ZSC Lions 6:1
Ambri-Piotta - Lakers 6:3
Berna - Friburg 4:1
Zug - Losanna 3:2 (suenter penaltis)
Kloten Flyers - Bienna 1:2 (suenter penaltis)