Siglir tar il cuntegn
cuntegn

Naziunal/Internaziunal Il HCD e la miseria da chasa

Da 10 gieus a chasa ha il HCD sulettamain gudagnà in. Perquai discurr'ins a Tavau actualmain enstagl da playoffs d'evitar la relegaziun.

Claude-Curdin Paschoud e Marc Wieser laian pender il chau suenter in gieu da Tavau.
Legenda: In maletg ch'ins vesa savens si Tavau: Chaus che pendan suenter la partida – sco qua Claude-Curdin Paschoud e Marc Wieser. Keystone

Perder ils gieus a chasa è per il HCD bunamain daventà in zic normalitad. Da 10 gieus da chasa han els be gudagnà in sulet- quai la fin settember. Er il venderdi saira hai dà ina terrada da 3:6 cunter Ambri Piotta. Perquai discurra er l'attatgader rutinà dal HCD Marc Wieser d'ina «miseria». Il pled playoff saja definitivamain nagin tema pli en la squadra, i giaja uss per restar en la liga naziunala A.

Uss datti be pli in: evitar la relegaziun.
Autur: Marc WieserAttatgader HCD

La bilantscha da chasa è magra

Er a Marc Wieser fai bunamain snavurs da patratgar vid la bilantscha da chasa dal HCD. Da 10 gieus hai dà 9 terradas. El stettia fitg mal per ils fans che vegnian a guardar tiers mintgamai. I saja en il verm.

Avant mintga gieu a chasa stuessan nus far ina runda cun il bus. Per che nus hajan il sentiment d'esser ordaifer.
Autur: Marc WieserAttatgader HCD

Ordvart han ils da Tavau ina meglra bilantscha. Da 10 gieus hai dà 5 victorias.

RR sportissimo 17:00