Siglir tar il cuntegn

Header

Navigaziun

cuntegn

Naziunal/Internaziunal Il HCD gudogna il davos gieu – ZSC manchentan playoffs

La partida è stada senza muntada e blers giugaders da tschep han mancà a Tavau, tuttina vegnan els tar ina clera victoria da 4:1 cunter l'EHC Bienna. E Genevra sa qualifitgescha sco davosa squadra per ils playoffs, cun batter ils ZSC Lions cun 3:2.

Purtret da trais giugaders dal ZSC che laschan pender il chau.
Legenda: Ils ZSC Lions cun trenader Arno del Curto è l'emprima giada dapi il 2006 betg en ils playoffs. Keystone

Damai ch'il HCD ha gì da remplazzar blers giugaders blessads, han giuvens survegnì ina schanza en la partida cunter Bienna. Ed uschia ha per exempel Mischa Bleiker sajettà il 2:0 per Tavau en la 31avla minuta. Ils ulteriurs gols per il HCD han giugaders pli experimentads fatg. E malgrà ina povra prestaziun vegnan ils da Bienna tuttina anc da marcar in gol, grazia a Robbie Earl.

Genevra gudogna

Genevra fa sco davosa squadra il pass en ils playoffs. Ils Genevrins gudognan la partida decisiva cunter il defensur dal titel ils ZSC Lions – cun 3:2. Uschia manchentan ils Lions per l'emprima giada dapi il 2006 ils playoffs.

Uschia sa cloman ils quartfinals dal playoff

  • Berna – Genevra
  • Zug – Lugano
  • Losanna – SCL Tigers
  • Bienna – Ambri

Termins: 9, 12, 14, 16 ed eventualmain 19, 21 e 23 da mars.

Ils resultats da la 50avla runda:

  • Tavau – Bienna 4:1
  • Genevra-Servette – ZSC Lions 3:2
  • SCL Tigers – Losanna 3:4
  • Lugano – Berna 4:2
  • Ambri – Lakers 4:3
  • Zug – Friburg 2:3 suenter sajettar penaltis

Tabella Liga naziunala



Gieus
GolsPuncts
1.
Berna50
143:99101
2.
Zug50
159:11597
3.Losanna
50
141:12682
4.
Bienna50
149:13879
5.
Ambri-Piotta
50
138:140
79
6.
SCL Tigers50
132:12678
7.
Lugano
50
160:14178
8.
Genevra50137:15075
9.
ZSC Lions
50129:13274
10.
Friburg50
125:12574
11.
Tavau50121:16751
12.
Lakers5092:16732

RR novitads 22:00 ++