Il gieu è stà per gronda part egualisà. Berna è ì duas giadas en avantatg. Tavau ha pudì reagir. Il 2:2 ha Felicien du Bois dentant sajettà pir 11 secundas avant la fin dal gieu regular. Uschia ha il HCD provotgà la prolungaziun, nua che Samuel Guerra ha lura sajettà il gol decisiv.
En l'auter mezfinal han ils ZSC Lions gudagnà cunter Genevra cun 5:2. En il playout ha Ambri gudagnà cunter ils Lakers cun 2:1. Ed en il final da playoff da la liga naziunala B han ils SCL Tigers pers a chasa cunter Olten cun 2:3.
RR novitads 23:00
