Siglir tar il cuntegn

Naziunal/Internaziunal Il HCD mussa ils dents als ZSC Lions

Per l'emprima giadas suenter sis victorias han ils ZSC Lions la dumengia puspè pers in gieu – e quai gist davant l'agen public en in Hallenstadion vendì ora ed er anc dal HCD. Suenter avair manà cun 1:0 han ils liuns pers cun 1:3.

El festivescha.
Legenda: Broc Little fa il 1:2 per Tavau encunter il ZSC. Keystone

Tavau para dad avair suenter la pausa da la squadra naziunala puspè dapi schlantsch sin il glatsch. En il Hallenstadion a Turitg ha la squadra grischuna pudì festivar sia segunda victoria in seria – e quai suenter avair pers avant 5 da 6 gieus. Tavau fascheva sin il glatsch n'impressiun pli preschenta, pli motivada e pli focusada ch'ils Lions, commentescha l'agentura da novitads svizra SDA.

Ils Turitgais percunter n'era betg cun la medema intensitad sin il glatsch sco tar lur victoria cunter Berna. Actualmain mancan cun Blindenbacher, Seger, Sjögren, Shore, Sutter e Suter sis rutiniers en la squadra. En pli ha gist Nilsson, il hockeyan tgi ha fatg il 1:0, stuì ir suenter l'emprima pausa dal glatsch. Quai pervi ch'el aveva da far sco il venderdi puspè cun ina contusiun dal dies.

Uschia finescha l'inscunter ZSC Lions encunter HCD cun 1:3.

Kloten ha pers cunter Berna cun 2:1. En la tabella maina vinavant Berna avant Lugano. Il HCD è sin il 5avel plaz.

RR novitads 18:00