Il gieu tranter Genevra ed Tavau è ditg stà magari egualisà. Uschia ha Genevra mintgamai sajettà il gol d’avantatg e curt pli tart ha il HCD pudì egualisar. En il ultim terz ha il gieu lura dentant pers attractivitad. Ils segns mussavan clar sin prolungaziun. Il HCD ha dentant puspè fatg in da quels tups sbagls, sco ch’ins ha gia vis numerus questa stagiun. Curt avant la fin da l'ultim terz ha il HCD numnadamain survegnì in chasti pervi da memia blers giugaders sin il glatsch. Genevra ha uschia pudì giugar 9 secundas avant la fin cun in um dapli. Quest avantatg ha Genevra lura nizzegià per trair il 3:2.
Grondas discussiuns ed irritaziuns
Malgrà il gol paucas secundas avant la fin n'era il gieu anc ditg betg decis. Suenter reclamaziuns vehementas da Tavau han ils arbiters fatg l’analisa da video. Pir suenter passa sis minutas èn ils arbiters lura vegnids tar la decisiun ch'il bastun dal giugader da Genevra n'era betg memia aut e ch’il gol è valaivel.
Tavau n'è betg stà d’accord cun questa decisiun ed uschia ha il trenader Arno del Curto scumandà als giugaders dad ir per las davosas secundas sin il glatsch. Suenter ulteriuras discussiuns ha lura del Curto era anc prendì in time-out avant ch'il gieu ha pudì vegnir terminà. La conclusiun suenter ina saira spectaculara: Il HCD perda la fin finala il gieu ordaifer a Genevra cun 3:2 e turna senza puncts a chasa. Là frunta Tavau sco proxim sin Ambri Piotta. Radio Rumantsch rapporta live a partir da las 20:00.
Genevra - Tavau 3:2 ( 1:1 1:1 1:0 )
- 18' 1:0 Romain Loeffel (Kast, Almond)
- 20' 1:1 Ruutu Tuomo (Forster, Ambühl)
- 29' 2:1 Kevin Romy (Riat, Gerbe)
- 30' 2:2 Mauro Jörg
- 60' 3:2 Nick Spalin (Loeffel, Romy)
20avla Runda NLA
| Ambri - ZSC Lions | 2:4 ( 0:0 2:3 0:1 ) |
| Bienna - SCL Tigers | 2:3 ( 1:2 1:0 0:1 ) |
| Genevra - Tavau | 3:2 ( 1:1 1:1 0:1 ) |
| Kloten - Firburg | 3:4 ( 2:1 0:2 1:1 ) |
| Lugano - Losanna | 2:0 ( 0:0 1:0 1:0 ) |
| Zug - Berna | 0:3 ( 0:0 0:2 0:1 ) |
Hockey: Classament liga naziunala A (05-03-2018)
| Team | Gieus | Relaziun da gols | Puncts | |
| 1. | Berna | 50 | 167:112 | 102 |
| 2. | Zug | 50 | 153:122 | 91 |
| 3. | Bienna | 50 | 150:124 | 89 |
| 4. | Lugano | 50 | 159:130 | 86 |
| 5. | Friburg | 50 | 133:139 | 77 |
| 6. | Tavau | 50 | 134:156 | 75 |
| 7. | ZSC Lions | 50 | 144:133 | 75 |
| 8. | Genevra Servette | 50 | 132:153 | 71 |
| 9. | SCL Tigers | 50 | 120:134 | 67 |
| 10. | Losanna | 50 | 149:169 | 63 |
| 11. | Ambri-Piotta | 50 | 136:168 | 57 |
| 12. | Kloten | 50 | 120:157 | 47 |
La squadra naziunala Svizra da ballape tar ils hockeyans
Giasts spezials eran questa saira da la partida tar la partida da Lugano cunter Losanna. La squadra naziunala Svizra sa prepara actualmain a Lugano sin il davos gieu da qualificaziun da quest onn cunter las Inslas Feroe. Sco event da team è la squadra uschia ida questa saira al gieu da Lugano cunter Losanna. Sin las paginas socialas rapportan ils giugaders da lur visita. Uschia ha per exempel il trenader Vladimir Petković pudì bittar en il emprim puc dal gieu.
RR actualitad 19:00