L’ultima giada ch’ina squadra ha duvrà damain temp per sajettar quatter gols è stà il settember dal 2003. Berna aveva quella giada fatg quatter gols en 112 secundas cunter Rapperswil-Jona. Il record dapi l’introducziun dals playoffs tegna anc adina Lugano che ha sajettà en 84 secundas quatter gols cunter Tavau. Quai era il december dal 1985.
Emprim terz è stà decisiv
Tranter la 9avla e l’11avla minuta pareva Tavau dischorientà. Dus dals quatter gols èn ids en la rait pervi da sbagls dal goli dal HCD, Joren van Pottelberghe. Suenter il quart goli per ils da Kloten ha Arno Del Curto lura remplazzà el cun Gilles Senn. Fin en la fasa finala n’ha quel pli laschà ir en nagin gol. Pir en las ultimas quatter minutas èsi gartegià a Matthias Bieber e Spencer Abbott da far anc dus gols.
Emnas intensivas
L’EHC Kloten, ch’è il mument l’ultim da la tabella, ha puspè ina giada pudì gudagnar suenter trais terradas. Il HCD da sia vart resenta plaunet ils strapatschs da las ultimas emnas (cuppa Spengler). L’equipa dad Arno Del Curto sto magunar la quarta terrada en fila.
Hockey – Liga naziunala A 2017 / 2018 39avla runda
| Tavau - Kloten | 2:6 |
| Bienna - Berna | 4:3 |
| Friburg - Zug | 6:0 |
| Lugano - Genevra | 7:1 |
| ZSC Lions - Ambri | 2:3 suenter prolungaziun |
Hockey: Classament liga naziunala A (05-03-2018)
| Team | Gieus | Relaziun da gols | Puncts | |
| 1. | Berna | 50 | 167:112 | 102 |
| 2. | Zug | 50 | 153:122 | 91 |
| 3. | Bienna | 50 | 150:124 | 89 |
| 4. | Lugano | 50 | 159:130 | 86 |
| 5. | Friburg | 50 | 133:139 | 77 |
| 6. | Tavau | 50 | 134:156 | 75 |
| 7. | ZSC Lions | 50 | 144:133 | 75 |
| 8. | Genevra Servette | 50 | 132:153 | 71 |
| 9. | SCL Tigers | 50 | 120:134 | 67 |
| 10. | Losanna | 50 | 149:169 | 63 |
| 11. | Ambri-Piotta | 50 | 136:168 | 57 |
| 12. | Kloten | 50 | 120:157 | 47 |
RR novitads 22:00