Il Club da hockey da Tavau ha pers cun 2:7 cunter ils Rapperswil-Jona Lakers. Il resultat mussa la ferma prestaziun dal sutclassà. Quai è numnadamain l'ermprima giada dapi il 2015 ch'ina equipa sutclassada gudogna la Cuppa svizra. A chasa è la victoria per ils Lakers stada surprendentamain clera.
HCD ha pers la gnerva
La decisiun è crudada gia en il segund terz. Là han ils Son Gagliais sajettà trais gols entaifer da 228 secundas e cun quai gì il 5:1. Il HCD ha pers en questa fasa la gnerva ed incassà chastis betg necessaris. Uschia per exempel Enzo Corvi che ha stuì ir sin il banc perquai ch'el ha sa laschà crudar.
Nyffeler giugà ferm
Er ina midada da goli da Gilles Senn tar Joren van Pottelberghe n'ha betg purtà l'effect giavischà. Da l'auter maun ha Melvin Nyffeler mussà pliras bunas paradas. La suletta fasa da squitsch dal HCD, durant l'ultim terz ha Josh Primeau respundì en la 52avla minuta.
RR novitads 16:00