Showdown oz en Russia. Gartegia a la Svizra da batter la Svezia e scriver istorgia e far il pass en il quart-final dal campiunadi mundial da ballape? La tensiun crescha d’ura ad ura. Co persequitais Vus quai gieu? Faschais liber u telefonais gia a bun'ura al schef e schais che hajas migrena oz?
Balla-Baterlada cun lingia directa en Svezia
Il Radio Rumantsch è il mardi scadin cas Voss radio da ballape. Cun la Balla-Baterlada ch’è tranter auter en contact cun ina famiglia rumantscha en Svezia, ch'è pronta per gudagnar: Per la famiglia engiadinais-svedaisa Ehinger-Martinelli è la partida da quest suentermezdi ina situaziun da «win-win».
Sch’ils Svizzers u ils Svedais gudognan è ad els tuttina – quasi tuttina. Roger Ehinger è numnadamain pilot ed ha sgulà la naziunala svedaisa en Russia tar ils Campiunadis mundials da ballape. Ses souvenir da quel viadi: In shirt cun si tut ils autograms da la squadra svedaisa.
«Win-win» en scadin cas – las previstas per la famiglia Ehinger-Martinelli
-
Bild 1 von 6. Win-win tar ils uffants –. Lina e Vincent èn pronts per la partida da las partidas. Bildquelle: mad.
-
Bild 2 von 6. Per els vegni quest suentermezdi en mintga cas bun –. ils Ehinger-Martinellis cun Lina (9), Vincent (12), Franca e Roger. Bildquelle: mad.
-
Bild 3 von 6. La balla ha bain si ina crusch –. las colurs mussan dentant cler danunder ch'ella vegn. Bildquelle: mad.
-
Bild 4 von 6. Il stgazi persunal da Roger Ehinger –. quest shirt ha el survegnì persunalmain da la squadra naziunala svedaisa. Bildquelle: mad.
-
Bild 5 von 6. Lina cun il t-shirt ideal per la partida da ballape ... Bildquelle: mad.
-
Bild 6 von 6. ... be las colurs na vegnan betg a plaschair a tuts en sia famiglia tuttina ;-). Bildquelle: mad.
Telefonai er Vus en la Canorta per ina baterlada e laschai esser part da Vossa agitaziun per il gieu Svizra-Svezia.
Ed a partir dal suentermezdi essan en lingia directa cun noss reporter a St. Petersburg e nus visitain era in Public Viewing insanua en il Grischun per udir atmosfera e spectacul.
... e sa chapescha pudais era questa giada gudagnar insatge!
Per esser fit tar il gieu qua anc intginas noziuns svedaisas:
- ballape – fotboll
- gol – mål
- autogol – självmål
- hopp Schwiiz – la varianta svedaisa: heja Sverige
- carta melna – gult kort
- carta cotschna – rött kort
- temp supplementar – tilläggstid
- penalti – straffspark
- Viva! – Skål!
- campiun mundial – världsmästare
- a revair – hej då
Balla-Baterlada mardi da las 11:00 a las 12:00 uras
Ballape live a partir da las 15:00 uras