Siglir tar il cuntegn

Header

Navigaziun

Il biatlet russ Alexander Loginov.
Legenda: Il victur russ Alexander Loginov è stà serrà fin la fin dal 2016 durant dus onns pervi da doping cun Epo. Keystone
cuntegn

Naziunal/Internaziunal Il Russ Loginov gudogna – ed i dat ina trumpada svizra

Al sprint dal biatlon ad Oberhof daventa Benjamin Weger meglier Svizzer, cun trais sbagls da sajettar vegn el 29avel. Ed er ils ulteriurs Svizzers fan trais sbagls u dapli – e perdan en la loipa anc dapli temp sin il victur, il Russ Alexander Loginov.

Als biatlets svizzers na gartegia l’emprima cursa suenter la pausa da Nadal insumma betg tenor giavisch – tuttina sco la gievgia a las biatletas svizras. Tar il sprint da la cuppa mundiala ad Oberhof en Germania – vegn Benjamin Weger sco meglier Svizzer sin plaz 29.

Almain anc da sa qualifitgar per la persecuziun da sonda gartegia als Svizzers Martin Jäger sco 42avel e Mario Dolder sco 54avel. Vitiers vegn Jeremy Finello sin plaz 68, e Serafin Wiestner da Trin sa ranghescha sin plaz 83.

Victur dal sprint sur 10 kilometers daventa il Russ Alexander Loginov, avant Johannes Thingnes Boe da la Norvegia e Sebastian Samuelsson da la Svezia.

La sonda han lieu ad Oberhof duas cursas da persecuziun, las dunnas partan a las 12:45 ed ils umens a las 15:00.

RR actualitad 17:50