Il siemi dal otgavel final è a fin per Basilea

Basilea perda en la Champions League cunter Paris Saint-Germain cun 1:2. Uschia n’ha Basilea naginas schanzas pli da cuntanscher l’otgavelfinal.

Ils giugaders dal FC Basilea. Bild in Lightbox öffnen.

Legenda da maletgs: L'FC Basilea ha pers en l'ultima minuta impurtants puncts ed n'ha nagina schanza sin plazza dus. Keystone

Fin la 90avla minuta steva quai en la partida pari 1:1. Alura ha il Beltg Thomas Meunier sajettà in magnific gol per Paris. Basilea era vegni en retard curt avant pausa. Ma en la segunda mesadad vegn Basilea da egualisar la partida tras Luca Zuffi en la 70avla minuta.

En l’ulteriura partida en la gruppa A batta Arsenal Londra ordaifer Ludogorez Rasgrad cun 3 a 2.

Ils resultats da las ulteriuras gruppas

Gruppa B: Besiktas Istanbul gioga in pari dad 1:1 cunter Napoli e Benfica Lissabon batta a chasa Dynamo Kiew cun 1:0.

Gruppa C: Borussia Mönchengladbach gioga in pari dad 1:1 cunter Celtic Glasgow. E Manchester City batta Barcelona cun 3:1.

Gruppa D: Atletico Madrid gudogna cunter Rostow cun 2:1 e PSV Eindhoven perda a chasa cunter Bayern München cun 1:2.

RR novitads 23:00