Siglir tar il cuntegn

Header

La passlungista Theres Johaug.
Legenda: Il settember è Theresa Johaug vegnida testada positiv sin doping. Keystone
cuntegn

Naziunal/Internaziunal Il star da passlung Therese Johaug testada positiv sin doping

La dominatura da la stagiun passada da passlung da las dunnas la norvegiaisa Therese Johaug è vegnida testada positiv sin doping, quai conferma la federaziun da skis norvegiaisa.

Tar Therese Johaug è tenor la communicaziun vegni constatà il steroid anabol Clostebol, quai scriva la federaziun da skis norvegiaisa. Para saja il motiv per la cumprova positiva da doping ina crema da sulegl che Johaug ha para duvrà suenter ina brischament da sulegl, scriva la federaziun. Il medi da l’equipa norvegiaisa haja cumprà questa crema la fin d’avust en ina apoteca. Johaug è alura tenor la federaziun vegnida testada ils 16 da settember.

Egualisà il record da Marit Björgen

Theresa Johaug ha dominà la stagiun passada ed ha gudagnà en tut 17 cursas ed uschia egualisà la marca da record da sia cumpatriota Marit Björgen. Viavant è Johaug set giadas campiunessa mundiala.

RR novitads 12:00