La giuvna che trenescha normalmain a Bienna en il center da prestaziun è actualmain a Cuira. Enstagl da trenar ed ir a dar turnier per il mund enturn è ella a chasa. Dentant era durant il temp da corona emprova la giugadura da 19 onns da nizzegià il temp il meglier pussaivel. Ella treneschia oravant tut vid la cundiziun e la forza.
Normalmain han ins mai temp da trenar sur in uschè lung temp cundiziun.
Simona Waltert ha mess si in plan da trenament per quest temp dal coronavirus. La finamira saja da turnar enavos sin il plaz da tennis cun ina anc meglra cundiziun che avant il temp da pausa.
Per ils proxim mais avess la giuvna da 19 gì inqual finamira. Tranter auter da pudair giugar la qualificaziun per il turnier a Wimbledon. Ina finamira ch'ella sto uss dentant spustar sin il 2021.
Gia festivà bels success
Che la giuvna è in grond talent ha ella gia mussà pliras giadas ils ultims mais. La stad vargada ha Simona Waltert pudì giugà giugar al turnier da WTA a Losanna. En l'emprima runda ha ella lur gist gudagnà cunter la numra 25 dal mund, Julia Görges. Là ha la giuvna da Cuira mussà ch'ella sa er metter sut squitsch las meglras cun ses tempo da las fridas.
Gia onns avant ha ella mussà ch'ella ha bler potenzial. Il 2017 è Simona Waltert stada en il mezfinal dal turnier da junioras a Wimbledon.
Perlas ord l'archiv
La televisiun Svizra ha adina puspè accumpagnà Roger Federer durant ils emprims onns da sia carriera. Nus avain rimnà inqual schatg ord quest temp.