Siglir tar il cuntegn

Naziunal/Internaziunal «Ils Svedais èn bler pli simpels»

Falun è per ils proxims 10 dis il center mundial dal sport da skis nordic. Per la quarta giada è il campiunadi mundial nordic a Falun, la citad entamez la Svezia. Tgi ch’enconuscha uschè bain la regiun sco la mentalitad da Falun è Tumaisch Nay da Trun.

Purtret da Tumaisch Nay che ha abità 25 onns en Svezia.
Legenda: Tumaisch Nay enconuscha fitg bain la Svezia. RTR, R. Alig

Tumaisch Nay ha vivì 25 onns en Svezia, en la chapitala Stockholm. Ses temp liber ha l’urer pensiunà ch’abitescha puspè a Trun adina passentà en sia chasa da vacanzas a Borlänge, be 20 minutas davent da Falun.

Ils Svizzers èn pli exacts
Autur: Tumaisch Nayurer pensiunà

Tenor Tumaisch Nay sajan ils Svedais bler pli simpels ch’ils Svizzers. Ils Svizzers sajan bler pli cumplitgads, dentant pli exacts. Ultra da quai ditgian ils Svedais a mintg’in “ti”, era a persunas ch’els n’enconuschian betg.