Siglir tar il cuntegn
cuntegn

Naziunal/Internaziunal Ils Young Boys mainan puspè la tabella

Suenter quatter rundas maina YB cun 5 puncts avantatg. Els gudognan 3:2 cunter Lucerna. Basilea gudogna cunter Sion era cun 3:2 e Turitg gioga pari cuntger Son Gagl, 0:0.

Purtret da Seoane.
Legenda: Seoane durant la partida dals Young Boys cunter Lucerna. Keystone

Il partida dals Young Boys è stada sun l'ensaina da Geroardo Seoanes ch'è turnà da Lucerna. Seoane ha trenà l'ultima stagiun il FC Lucerna, avant ch'el ha surpiglià la stad la successiun dad Adi Hütter tar Berna. Ils attatgaders Guillaume Hoarau e Ngoumo Ngamaleu han sajettà ils gols.

Partida captivanta tranter Basilea e Sion

A moda captivanta han Basilea e Sion dà lur partida. Il FCB sut Marcel Koller han pudì festivar la terza victoria en trais gieus. Ils da Basilea han stuì tremblar per lur trais puncts malgrà ch'els han manà gia suenter 47 secundas grazia ad Albian Ajeti. Suenter 29 minutas ha Basilea manà cun 2:0 grazia a Fabian Frei. En la 56avla minuta ha Sion dentant egualisà il gieu. In autogol da Andre Luis Neitzke ha lura purtà la victoria a Basilea, en la 72avla minuta.

Suenter la victoria cunter Sion è il FC Basilea sin la medema autezza sco SonGagl e Turitg, els han tschintg puncts disavantatg sin ils Young Boys. Il gieu dal FCZ cunter Son Gagl è ì a fin senza gol.

RR novitads 18:00