Tar il 3:1 ordaifer cunter il FC Sion ha YB mussà buna morala. Suenter ch’els han profità en la 22avla minuta d’in grond sbagl dal goli da Sion, ha Sion egualisà curt suenter la pausa. Ils Young Boys han pudì reagir, e sajettar dus ulteriurs gols en la 57avla ed en la 78avla minuta.
Avant aveva il FC Thun gudagnà cun 1:0 cunter il FC Vaduz, grazia ad in penalti dispitaivel. Ed encunter in mudest FC Son Gagl han ils Grasshoppers gudagnà ordaifer cun 2:0.
En la tabella maina il FC Basilea cun 5 puncts avantatg sin ils Grasshoppers. Sin plazza 3 èn da nov ils Young Boys cun in retard da gia 9 puncts.
RR Novitads 18:00