Siglir tar il cuntegn

Header

cuntegn

Naziunal/Internaziunal Ils ZSC Lions sa separan da lur trenader

A partir dad immediat van ils ZSC Lions e lur tranader vias separadas.

Il CEO Peter Zahner ha confermà envers SRF ch'il contract scadent na vegnia betg prolungà. Crawford aveva cumenzà ses engaschi tar ils Lions il 2012. Il 2014 èn ils Turitgais vegnids campiuns svizzers. Il 2016 han ils ZSC Lions gudagnà la cuppa svizra.

Trumpada en ils playoffs

La stagiun currenta è dentant ida a fin cun ina trumpada. Sco victur da la qualificaziun èn ils ZSC Lions crudads ora en l'emprima runda da playoff cunter Berna e quai gist cun 0:4. Quai na saja dentant betg la suletta raschun per la separaziun. Crawford haja betg fatg in misteri dal fatg ch'el vesia ses futur en l'America dal Nord tar la NHL ubain la AHL. Ils Americans na decidian betg schon il mars davart ils contracts da lavur da la stagiun che vegn. Perquai saja quai in bun mument d'as separar. Crawford saja stà in bun trenader - el haja fatg fitg buna lavur, ha punctuà Peter Zahner, il CEO dals Lions.

Successur anc betg en vista

Tgi che daventia successur dal Canadais na po Zahner anc betg dir. Il manader da sport, Edgar Salis, examineschia las proximas emnas candidats pussaivels e preschentia lura sia proposta per in successur al Cussegl d'administraziun.

RR novitads 14:00

Artitgels legids il pli savens