Siglir tar il cuntegn

Naziunal/Internaziunal Impurtanta victoria per il HCD

Il club da hockey da Tavau gudogna cunter ils Kloten Flyers cun 2:1 suenter sajettar penaltis.

L'attatgader dal HCD Marc Aeschlimann marca il gol decisiv per il HCD cunter Martin Gerber.
Legenda: HCD cunter ils Kloten Flyers L'attatgader Marc Aeschlimann marca il gol decisiv per il HCD cunter Martin Gerber. keystone

Malgrà ch'ils Grischuns eran ditg cun 1:0 en retard, ha il Svedais Dick Axelsson pudi equalisar la partida en la 52avla minuta. Cun questa victoria segirescha il HCD la pussaivladad da pudair conquistar ina plazza che permetta il dretg da chasa en ils playoffs.

Kloten ha dominà la partida enfin la 50avla minuta

En powerplay èn ils Kloten Flyers ids en la 32' minuta en avantatg. Peter Mueller ha sajettà il 1:0. Kloten aveva dominà la partida enfin la 50avla minuta. Suenter ha il HCD pudì augmentar la sveltezza da la partida.

Giuvens han debutà per il HCD

Chris Egli e Tino Kessler han dà lur segunda partida per il HCD sin nivel NLA. Ensemen cun Fabian Heldner e Marc Äschlimann han ils dus debutants giugà en ina lingia. Tuts 4 giugaders èn pli giuvens che 20 onns.