Siglir tar il cuntegn

Naziunal/Internaziunal In bun 1:1 per il FCZ, in nausch 1:1 per YB

Il club da ballape da Turitg po semiar vinavant da la fasa da k.o. en l'Europa League. Per ils Young Boys è il siemi a fin.

Giugaders da ballape en acziun.
Legenda: Roberto Rodriguez (34) ha sajettà cun in penalti il gol per il FCZ. Keystone

Il FCZ ha cuntanschì a chasa in pari dad 1:1 cunter Villarreal. Villarreal è actualmain sin plazza 4 da la primera division en Spagna. En l'auter gieu da la gruppa L ha Steaua Bukarest gudagnà cunter il club tirc Osmanlispor cun 2:1.

En la tabella maina Osmanlispor cun 7 puncts avant Villarreal, l'FCZ e Steaua Bukarest cun mintgamai 6 puncts. Tut ils clubs pon anc vegnir vinavant.

In pari sco ina terrada

Er in pari dad 1:1 ha YB realisà ordaifer cunter Olympiakos Piräus. Quai n'ha dentant betg bastì per cuntanscher ils 16avels finals. En la gruppa B èn Apoel Nikosia ed Olympiakos Piräus ina runda vinavant.

RR novitads 21.00