Il «grond» sa referescha sin la prestaziun e sin la muntada da Grop per il ballape svizzer e betg sin sia grondezza corporala. Cun 173 cm è el gia da ses temp stà in goli extraordinari pitschen. Ma extraordinari è er stada l'abilitad tecnica da Grob, sia sveltezza ed en spezial la forza da siglir cun la quala Grob vegniva da cumpensar sia grondezza.
Dà ils pli blers gieus
Malgrà ch'el è stà blessà tscha e là, ha Grob giugà fin sur ses 41avel anniversari tar l'FC Turitg. Suenter ha el agiuntà ina stagiun tar l'FC Bienna, la fin da la stagiun è Turitg vegnì relegà en la liga naziunala B da quai temp. Cun 513 gieus tegna el il record en l'istorgia da l'FC Turitg.
Indiscutabel numer 1
Ils pli gronds success dal giugader che ha dà set giadas cun l'equipa naziunala èn stads ils 5 titels da campiun tranter il 1968 fin il 1981 e las quatter victorias en la cuppa svizra dal 1970 fin ils 1976. Trais giadas è l'adversari da la cuppa stà il rival FC Basilea. Sulettamain suenter ses ultim gieu da la cuppa svizra ha Grob stuì bandunar la plazza sco perdent. Quai è stà en il final dal 1981 en il qual Losanna ha battì il favurit suenter prolungaziun. Uschè ditg che Grob ha dà ballapè è el stà indiscutabel il numer 1 en il gol.
In um simpel
Karl Grob ha lavurà durant sia entira carriera en la branscha da construcziun, sin il bajetg. Suenter è el sa retratg cumplettamain da la publizitad ed ha lavurà fin a la pensiun sco magasinier.
RR novitads 12:00